Охирги таълим кредитини олиш, қайси банк, қанча фоиз тўланади, қандай имтиёзлари борлиги тўғрисида жуда кўплаб саволлар келмоқда. Шуларга умумий қилинг видеода жавоб бердим, яхшилаб тушуниб оласиз деган умиддаман. Эндиликда хотин-қизларга таълим кредитлари фоизсиз ажратилади. Кундузги, сиртқи ва ҳатто кечки таълим шаклидагилар ҳам таълим кредитидан фойдаланишлари мумкин. Олдин фақат кундузги таълим шаклидаги талабалар таълим кредити олиши мумкин эди. Бирга қарз олувчи вакил энди қариндош бўлиши шарт эмас, олдин яқин қариндош бўлиши шарт эди. Батафсил видеода томоша қилишингиз мумкин. P.S. Президент қарори 👉 бу ерда 👈. (ПҚ №323 18.07.2022) Вазирлар маҳкамаси қарори 👉 бу ерда 👈. (ВМҚ 18.08.2021) @bektoshkhatamov
Batafsil
Бугун яна шу мавзу кўтарилди. Бу саволга сизга тўлиқ жавоб беришга ҳаракат қиламан. Республикамиздаги барча хусусий олий таълим муассасалари Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан бериладиган лицензия асосида фаолият юритади. Лицензияга эга хусусий олий таълим муассасалари тўлиқ рўйхати мана бу линкда бор. 👉 https://tdi.uz/uz/page/nodavlat-oliy-ta-lim-tashkilotlari 👈 Бу дегани мана шу рўйхатда бор олий таълим муассасаларининг дипломи республика ҳудуди тўлиқ тан олинади. Агар сизга кимдир бу хусусий, бунинг дипломи ўтмайди, менга давлат олийгоҳи дипломи керак деса, мана бундай йўл тутинг. 1. Ўша раҳбар ёки мансабдор шахсдан асос сўранг, қонуний асоси борми, қайси қарор, қайси қонун ёки қонуности ҳужжати асосида бу гапни гапирмоқда. 2. Табиийки, биринчи саволга жавоб йўқ, шунда сиз ўша мансабдор шахсга ёзма мурожаат қилинг, қонун бўйича у сизнинг мурожаатингизга 15 кун ичида жавоб қайтариши керак. 3. Бу саволга одатда жавоб берилмайди, берилган тақдирда ҳам қонуний асос йўқ бўлса, нима деб жавоб беради? 4. Ўзингиз таҳсил олаётган хусусий олийгоҳдан ўша мансабдорга расмий хат қилишларини сўранг, бу икки томонлама иш бўлади. 5. Ҳеч қандай жавоб беришмаса, судга мурожаат қилиб раҳбарни жавобгарликка тортинг, чунки у ўз вазифасини суиистеъмол қилмоқда. P.S. Ўз ҳуқуқларингизни талаб қилишни ўрганинг, ҳўкиз туғибди деса, ишониб кетаверманг. @bektoshkhatamov
Batafsil
▪️Universitet ma'muriyati shuni e'lon qiladiki, endilikda Profi University 2-kurs 1-semestr kunduzgi ta'lim shakliga xorijiy yoki yurtimiz oliy ta'lim muassasalaridan o'qishingizni ko'chirishingiz mumkin. O'qishni ko'chirish uchun avvalambor talaba profiuniversity.uz sayti orqali ro'yxatdan o'tadi va imtihonda ishtirok etadi.Imtihondan o'tgach esa talaba o'z hujjatlarini taqdim qilishi lozim. ❓Qanday hujjatlar talab etiladi?1. Talaba shaxsini tasdiqlovchi hujjat;2. O'qishni ko'chirmoqchi bo'lgan oliygohdan ko'chirayotgan semestrni yakunlaganligi haqidagi transkript;3. To'rt dona 3×4 talaba rasmi. ❗️Eslatma: hujjatlarni talabaning shaxsan o'zi taqdim etishi lozim. ✔️Hujjatlarni topshirib, imtihonda qatnashgandan so'ng, dastlabki ikkita shartnoma tuziladi. Birinchi shartnomaga ko‘ra, talaba universitet hisobiga 2 million so‘m o‘tkazishi kerak (bu to‘lov ta’limni ko‘chirish xizmati uchun to‘lov hisoblanadi), ikkinchi shartnoma esa ta’lim uchun.
Batafsil
Маълумки, 60 ва ундан юқори балл тўплаган абитуриентлар “Profi University” талабаси бўлишади, лекин ундан пастроқ балл тўплаган абитуриентларда супер-контракт асосида ўқиш имконияти мавжуд. Супер-контракт нархлари қандай? 50-59,9 баллар оралиғида балл тўплаган абитуриентлар 4,5 миллион сўм; 40-49,9 баллар оралиғида балл тўплаган абитуриентлар 9 млн сўм; 30-39.9 баллар оралиғида балл тўплаган абитуриентлар 13,5 млн сўм; 30 баллдан паст балл олган абитуриентлар супер-контракт билан ҳам ўқишга қабул қилинмайди. Уларда имтиҳонни қайта топшириш имконияти мавжуд.
Batafsil
Биласизми, университетни битирганимда мендан биров нима иш қиляпсан, иш топдингми, ўз соҳанг бўйича ишлаяпсанми, ишинг ўзингга ёқаяпти деб сўраб ҳам кўрманг. Шундоқ университетни битирганимдан кейин катта ҳаётга дарвозани ланг очиб қўйишди, кетимга бир тепишди кетаверганман. Лекин таълимга кириб келганимдан бери битириб чиққан талабанинг кейинги тақдири нима бўлади деган савол мени доим қийнаб келади. Бугун шу саволга ечим топдик, энди “Profi University” олигоҳини битириб чиққан талабалар юз фоиз иш билан таъминланади, бу тўғрисида ҳар бир талаба билан алоҳида кафолат шартномаси тузилади. Агар талабани иш билан таъминлай олмасак, у тўлаган шартнома пулларининг 100 фоизи қайтарилади. Ҳа, биз бу масъулиятни бўйнимизга олиш жуда қийин бўлади, лекин бренд бўлиб меҳнат бозорига керакли кадрни тайёрлаб беролмасак, таълим бозорида бекорга вақтимизни ўтказмаймиз. Бу ишни бажариш учун биз нималар қиламиз? 1. Университетда каръера марказлари ташкил қилинади.2. Марказлар турли иш берувчилар билан шартномалар имзолайди, уларнинг талабларидан келиб чиқиб ўқув режага ўзгартириш киритишади. 3. Иш берувчиларнинг ҳудудида ҳар бир талаба малака машғулотларини ўтказишади, иш берувчи малака ошириш жараёнида талаба қайси жойларда оқсаганлиги, айнан қандай кўникмаларни янада яхшироқ ўзлаштириши ҳақида хулоса бериб боради. 4. Хулоса натижаларига кўра талабанинг айнан ўша камчиликларига доир тегишли кўрсатмалар ва керак бўлса, ўқув режаларга ўзгартиришлар киритиб борилади. Bektosh Khatamov
Batafsil
2022-2023-o'quv yili uchun Profi Universityga kirish imtihonlari 2 bosqichdan iborat bo'ladi: 1. Test Yo'nalishlar uchun tasdiqlangan 2 ta asosiy umumfan asosida tayyorlangan jami 30 ta test savollari. Har bir savolga 2,5 ball beriladi. Umumiy natija 75 ballni tashkil etadi. 2. Yozma (motivation letter). Talabgorlarning kasbga bo'lgan qobiliyati va ruhiyatini o'rganish uchun bir necha savollar asosida o'tkaziladigan yozma nazorat. Umumiy 25 ball bilan baholanadi. ✅ Imtihon o'tkaziladigan fanlar: 1. Boshlang'ich ta'lim - Ona tili va adabiyoti, Matematika 2. Maktabgacha ta'lim - Ona tili va adabiyoti, Biologiya 3. Pedagogika-psixologiya - Ona tili va adabiyoti, Biologiya 4. Rus tili - Rus tili va adabiyoti, Ingliz tili 5. Ingliz - Ona tili va adabiyoti, Ingliz tili 6. Maktab menejmenti - Matematika, Chet tili Natijalar belgilangan kvotalar asosida aniqlanadi. Kvotalar bilan 👉 bu yerda tanishishingiz mumkin.
Batafsil
UZ
RU