Universitet yangiliklari

Xabaringiz bor Profi Univerityda “Career Service” loyihasi yo'lga qo'yildi. Loyihaning asosiy maqsadi bitiruvchilarimizni murakkab mehnat bozorida munosib ish o’rniga ega bo’lishlari hamda ularning shaxsiy rivojlanishini qo'llab-quvvatlashdan iborat.

Bunda biz talabalarimni ikki xil yo'nalishda mehnat bozoriga tayyorlab boramiz:

Birinchi yo'nalishda talabalarimizning bo'lajak xodim sifatidagi shaxsiy ko'nikmalarini rivojlantiramiz. Bunda bitiruvchi talabamizning o'zi kompaniya tomon harakatlanadi.

Ikkinchi yo'nalishda esa talabalarimizning shaxsiy portfoliosini shakllantiramiz hamda “Career Service” xizmatidan qanday qilib samarali foydalanishni o'rgatamiz. Bu orqali biz ularning shaxsiy brendini tanitishga erishamiz.

Ya'ni, bitiruvchi talabalarimizni kompaniya va tashkilotlarga potensial xodim sifatida tanitish uchun turli xil loyihalarni amalga oshiramiz. Bunda bitiruvchi talabalarimiz kompaniya tomon emas, aksincha kompaniya bitiruvchilarimiz tomon harakatlanadi.

Bizni kuzatishda davom eting va biz sizga "Career Service" imkoniyatlarini tanishtirib borishda davom etamiz.