Bir paytlar uchta xonadan  iborat kichik bir o‘quv markazi sifatida tashkil qilingan "Profi Education" hozirga kelib xususiy bog‘cha, maktablar, o‘quv markazlari tarmog‘iga aylandi. Endigi navbat, albatta, oliygoh edi va biz bu marraga ham yetib keldik.

"Profi University" mamlakatimizda pedagog kadrlar va taʼlim boshqaruvi yo‘nalishida o‘z faoliyatini boshlagan ilk xususiy oliygoh hisoblanadi. Hozirga kelib "Profi Education" yana-da rivojlanish, yana-da yangi maktabgacha taʼlim muassasalari va maktablar ochish imkoniyatiga ega, lekin har safar yangi taʼlim dargohi ochganimizda biz kadrlar yetishmovchiligiga duch kelamiz.

Yaxshi, tajribali o‘qituvchilar juda kam, borlari ham o‘z ishiga ega, ularni ishlab turgan joyidan bo‘shatib kelish uchun esa o‘qituvchilarga kattaroq maosh, qulayroq sharoitlar va imkoniyatlar yaratib berishimiz kerak bo‘ladi. Bu albatta o‘qituvchi uchun yaxshi, lekin xususiy taʼlimning narxini oshirib yubormoqda. Natijada farzandini xususiy maktabda o‘qitish istagidagi ota-onalarning ko‘pchiligi xususiy taʼlim xizmatlaridan foydalana olishmayapti.

Ayni vaqtda "Profi University"ning Toshkent va Navoiy shaharlarida filiallari mavjud.

Hozirgi kunda universitetda 5000 dan ortiq talaba tahsil olmoqda.

Siz "Profi University"da quyidagi ta'lim yo‘nalishlari bo‘yicha tahsil olishingiz mumkin:

1. O‘zbek tili va adabiyoti
2. Bank ishi va auditi
3. Iqtisodiyot
4. Buxgalteriya hisobi va audit
5. Turizm
6. Marketing
7. IT (Axborot texnologiyalari va tizimlari)
8. Ta’lim menejmenti
9. Maktabgacha ta’lim
10. Boshlang‘ich ta’lim
11. Pedagogika-psixologiya
12. Rus tili
13. Ingliz tili

Ayni vaqtda universitetga teat ko‘rinishidagi imtihon asosida qabul qilinadi.