Universitet yangiliklari

Profi Universiteti rektori G‘ayrat Baxromovich Shoumarov 2023-yil 24-dekabr kuni Profi University va bir nechta oliygohlar o'rtasida memorandumlar imzolash hamda Sankt-Peterburg shahrida bo'lib o'tadigan ilmiy-amaliy konferensiyada ishtirok etish maqsadida Rossiya Federatsiyasiga jo'nab ketdi.

G‘ayrat Shoumarov 24-27-dekabr kunlari Moskva davlat psixologiya-pedagogika universiteti (Moskva sh.) va Rossiya Federatsiyasi Prezidenti huzuridagi Rossiya xalq xo‘jaligi va davlat boshqaruvi akademiyasining Shimoliy-G‘arbiy boshqaruv instituti (Sankt-Peterburg sh.) bilan memorandumlar imzolash, hamda "V.I.Lubovskiyning ilmiy merosi va zamonaviy maxsus psixologiya" ilmiy-amaliy konferensiyasi yalpi majlislarida ma’ruza qilish uchun Rossiya Federatsiyasida bo'ladi. Mazkur hamkorlik uchrashuvlarida imzolanadigan memorandumlar ham Profi University talabalariga qo'shimcha imkoniyatlar taqdim etadi.